Клонот 6 од детската градинка Детска радост од Струмица, поточно дечињата од тригодишна возраст се здобија со нови масички, столчиња и играчки како донација од Јавното претпријатие „Паркиралишта Струмица’’. На овој начин претпријатието уште еднаш ја искажа една од основните функции на работењето – одговорноста кон општеството.

„Целта е парите од граѓаните повторно да ги вратиме кај самите граѓани, односно оние граѓани кои што ја користат услугата паркирање во градското подрачје во нашата општина со наплаќање на истата повторно ги враќаат кај своите најмили дел од приходите коишто јавното претпијатие ги инкасира во сопствената каса. Радоста е голема кога ги гледаме насмевките на дечиња околу нас и колективното задоволство од овој чин’’ – вели Верица Узунова, директорката на ЈП „Паркиралишта Струмица’’.

Донацијата ќе изнесува 1% од вкупните приходи од зонското паркирање. Донирањето ќе се врши два пати годишно на секои шест месеци.